Gwelo mar Ben Chumo ne owit oko..
Written by Rodgers Ogongo on July 26, 2018
Dr Ben Chumo/photo Courtesy
Gwelo mar mane en jakom duol mar Kenya Power Dr Ben Chumo kaka jakom duol mar osara pachoka SRC ne owit oko kod jood bura bang’ kaq lipot onogo ne opedh eod bura nyoro,bang’ jood burago ne wacho ni Chumo nikod weche mibadhi mamiene e bwo fuon mar 6 e katiba maok nyal yiene obed e apis onogo.
Dr Chumu yande ne ogwel kod Ker U.Kenyatta mar bedo e kom no mar src,kata kamano mae ne ogore piny kotenore gi weche mibadhi makoro pod inono e wi Dr Chumo,bang’ ka duol mar EACC yande ne omake en kod jodito moko mar Kenya Power komakore gi weche mobadhi go.
Jood burago ne joramo ni kata ovedo ni duol mar HELB kod KRA yande oupodho Chumo,mano ne ok nyal miyo gin bende gipuodhe e telo mar src,kata obedo ni lai nmar sombe ne ber kendo ne nyalo miyo obed gi thuolo makare e telono.
Eseche go mane Chumo osiemne dhoot,Jood burago ne opuodho gwelo mar mane en jachung’ mine machon Meru Florence Kajuju kaka jakom Ombudsman,ka Washington Opiyo Shitati kod jatelo machon mar duol mochung’ nr ndiko duond buche Lucy Ndung’u bende ne opuodhi mar bedo jokanyo.
