Gavana machon Nairobi Dr Evans Kidero ichwalo e doho kawuono..
Written by Rodgers Ogongo on August 9, 2018
Mane en Governor ma Nairobi Dr Evans Kidero-Photo courtesy
Mane en gavana machon ma Nairobi Dr Evans Kidero igeno chawl e doho kawuoni tok kane omake nyoro midhiambo kod ne tiyo marach gi loch mare kinde mane en gavana ma Nairobi.
Dr Kidero ne omaki nyoro odhiambo kod jokanyo mamoko maro 9 mane otiyo e telo mar county no ma bende ichayo kod weche tiyo arietha gi ofis.
Kidero wachore ni ne obedo gi mibadhi mag peas[Money laundering],timo mibadhi mag dwaro mare owuon[conflict of interest]kod mamoko.
Jokanyo go mabende ne omaki ma igeno chwalo e doho oting’o Lilian Wanjiru Ndegwa,Jimmy MutukuKiamba,Gregory Mwanakongo,Stephen Ogago,Luke Mugo Gatimu,Maurice Ochieng’ Okere,John Githua Njogu,Grace Njeri to kod kembe kaka Lodwar Wholesalers Ltd kod Ngurumani Traders Ltd.
Okil mare Tom Ojienda ne olero ni girito chopo e doho mar mondo gimin wach e meko no matimore sama koro piny owacho yande owuok oko mar lero ni giikore timo duto mar kedo weche mibadhi.
Meko ni ne otimore bang’ duol mar apis DPP Noordin Haji ne lero ni gin kod neno moromo mako ne jotelogo bura.
