Wach sukari medo bedo makech e dho jood bura…

Wach mar sukari medobedo makech e dhoo jood bura mapachoka tok seyo mag weche mibadhi yangore ni moko kuom jood bura ne ochamo asoya mar mondo ne gigo piny report onogo mane nono wach sukari go mane wachore ni ne okel pachoka ataaro mar chike.

Kane giwuoyo e wach onogo jotend kweth mathoth kod manok e od bura Aden Duale kod John Mbadi ne jowacho ni weche manyocha owachi kod jakom kamati no mar pur eod bura Kanini Kega ni yande gichamo asoya e goyo piny report onogo ok gin adieri kata matin.

Duale ne olero ni wach chochni ne ochakore tok jokanyo e kamati no Simba Arati kod Daniel Maanzo ne jochako wacho kaka ler mar nonro manegitimo ne oloki.

Duale ne owacho ni kata mana jogo mane ni e migao mane otenore gi wach puodho kelo sukari go pachoka bende oro ne onego onon malong’o.

Jotelogo neowacho ni kata de bed ni report onogo oduok e od bura sani to pod gibiro wite okok.

Mbadi ne olero ni onge kaka ne ginyalo yie mondo report onogo ne puodhi kaluwore kod chochni mane omako nonro onogo.

Magi duto ne obiro mana tok jakom kamati no Kanini Kega yande ne owuok oko mar ne wacho ni jotelo go Dwale kod Mbadi owinjore onon e bedo gi lwedo e wach onogo.