jiw apedha ne jous mwandu ma ok opuodhi

Photo Courtesy.

By Jowi Raymond.

Tend kaunti ma Kisumu e bwo tend migao mar weche oala to kod duol mochung’ ne rango rang’iny mag muandu okwa  ni omed jiwo apedha e kolo oko jo oala duto ma di po ni uso e yor aling’ling’ mwandu ma ok opuodhi.

Kane otwak  e wachni, ma en jatend kweth mathoth e od bura ma Kisumu Migosi Kenneth Onyango ne jolero ni koro duol mochung’ ne puodho rang’iny mag mwandu ma itiyogo nyaka koro rid apedha makorgi ka tend kaunti kokalo e od bura bende jologi e chuogo chike ma biro konyo bero migao onogo.

Migosi Kenneth lero ni kopogore kod sukari mane lipot yango ni ne odonjo e pachokae tok chik kendo ni koda kwiri manyalo inyo ngima dhano, nitire bende mwandu mamoko mathoth ma bandia mabende iuso e chirni  wa. Olero ni modhi kaka mafuta to kod petrol kanyakla gi mwandu mag stima ma ok opuodhi odhuro mokalo e  chirni kendo apedha mager dwarore e thicho oko jo oalo go, lweny ma oko ni dwaro nywakruok lwedoo e migepe duto.

Magi timore mana e kinde ma sirkal ma thurkae bende koro oyao lweny e kedo koda mwandu ma bandia koting’o koda ka sukari mawachore ni ne okel pachokae gi ngoche moko e yorego ma pok oyangongere, ka e jumano mokalo, od bura mamalo ne jowito oko lupot mane jopedh e od burano kod kamiti mar weche pur kod ohala e wi nonro mane itimo e wi sukari man koda kwriri