Rakruok kidek bedo matek e od bura e wach sukari…

Written by on August 21, 2018

Rakruok kidek bedo matek e od bura  ejuma ni komakore gi wach sukari mayande reoport mare ne ogo piny kod jood bura jumbe 2 mokalo chien kocha.

Mae timore sama moko kuom jood bura mawuok kuonde ma ipure niang’ dwaro mondo twak onogo dwoki e od bura e tielo machielo kabende gidwaro mondo los aput makende mar mondo onon wach onogo.

Kane ochiwo ler mar wachno,jaod bura ma Saboti Caleb Amisi ne olero ni oseyudo thuolo koa e kom speaker mane omiye thuolo mar mar mondo twak onogo dwoki e od bura kokalo e kamati  no makende.

Amisi ne olero wachni sama dwaro makende nitie ka jood bura moko bende ne osiro wachni ka gilero ni mae biro konyo jo pur mag niang’ yudo yuto mar gi makare.

Kata kamano,jakom ODM John Mbadi ne olero ni moko kuom jotelo ne otimo oledhi mar neketho report onogo mondo mi ne kik kale wira ni ne gidwaro umo jotelo go mane obedo gi lwedo e wachno.

Mbadi ne lero ni kata mana sani report onogo ok nyal bi kal e od bura wira ni ok ober.

Korka kore,governor Wycliff Oparanya ne owacho ni paro mar dwoko report onogo e od bura ok ni kare nikech moko kuom jotelo ne otimo mibadhio mar ne chocho nonro mane itimo e wach onogo.

Jaod buar Tim Wanyonyi bende ne owacho ni ber ka dwaro mar jopur niang’ emiyo ratiro mar gi komakore gi yudo adieri e wach mar sukari mane inono kod kamati mar weche pur kod ohala e od bura.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST