Ji 13 ne owito ngimagi e masiche 2 mag apaya odhiambo ma nyoro..

Kar masira mar apaya/Photo Courtesy.

Masiche 2 mopogore mag apaya ne okelo lal mar ngima oganda 13 odhiambo kod otieno ma nyoro.

Masira mokwongo ne omako gari mar jowuoth men matatu mar ji 14 mane otuomore gi lori e apaya ma Nakuru-Nairobi thulo machuok kapok ochopo saa 5 otieno,

Wachore ni ji 6 ne otho kanyo sama moko 3 ne otho kane ichwalo gi e od thieth ma Kijabe.

Wachore ni matatu no ne otuomore gi lori kane odhi Nakura sama lori no to ne dhi Nairobi.

Komachielo bende ji 4 ne owito ngimagi tok lori moro ne bayo yo kendo nyono ji 3 mane wuotho e bath apaya ma Roret kochomo Sigowet kama ne lori no obayo yoo ma onyonoe ogandago.

Koyango wachno,kamanda mar Obila ma Kericho James Mugera ne oleroo ni lori no ne ochako onyono od mbui kata Cyber Cafe kendo nego jal machielo.

Lori no ne ochomo Kericho bang’ kane ooomo kuoyo e chiro ma Sondu kotero Kericho sama masira no ne otimore.

Oganda makono koro dwaro mondo apaya no oloki mar geng’o midhireo machal kod mano e ndalo mabiro.