jokombe kamitis e od bura ma kisumo oyudore obadho mager

BY JOWI RAYMOND

Jokombe kamitis mopogore opogore e od bura ma kisumu ne joyudore e andaki mager kowuok kuom jo od bura ogogo kaluwore gi sech mane osee gi go kuom rem luwore gi chike od burano.

moko kuom MCAs mane ogolo ng’ur margi leroni ni jokombego osebedo ka rem chwalo lipodegi kata odok ni spika matayo twak e odiochienge mag twak to osebedo kachiwo ne gi thuolo moromo e chwalo lipode go.

ka ne otelnegi kod MCA ma Market Milimani Migosi Seth Kanga, MCA ma South East Nyakach Johnson Guya, Mikai Karen Linet jaod bura ma ogwel, jotelo go ne joyuago odayo ka gilero ni moko kuom weche ma gisebedo ka gidwaro mondo jokombe kamiti go ochiw e ler pok omigi.

Migosi Seth Kanga to koda    nyawadgi Migosi Johnson Guya dweche ang’wen mokalo yande ne jo dwaro jatend kweth mathoth e od burano Migosi Kenneth Onyango mondo ne jochiwnegi lipod e wii okenge ma tend sirikand kaunti ma Kisumu osegikie e keto e chenro magggi jochwal thieth e mier ma ong;ere kaka Nyamrerwa to kod jodongo gweng’ ma bende ong’ere kaka Village council.

Migosi Guya korkakore ne dwaro ng’eyo kwan jotije ma osendiki mar tiyo e od bura ma Kisumu, orak margi kaachiel kod chenro mar ndiko jotije mamoko e kind kwayo mathoth.

Yuak osebedo bende ne od burano kokatho kuom kamiti mar Keto e tim twak ma opuodhi kod jo od bura mong’ere kaka Implementation committee ma otelne kod Migosi Habil Nyasuna  ma iseyo kuom koso keto e tim chike kata buche ogogo.