yuaruok e od bura ma kisumu ewi kamiti mowinjore rang weche budget to kod omwom

Jood bura ma Kisumu.
Photo Courtesy.

By Jowi Raymond.

Yuaruok e wii kamiti ma onego rang weche budget ma awiye (Quarterly budget) e od bura ma kisumu pod medo mana jimbore e kinde ma  jood burago ne okwedo mokalo chik mane ogol koda spika mar chiwo lipot mar omenda mondo timne puotho koda kamiti mar omenda.

Kane ochiwo ng’ur mare ma en MCA ma Kabonyo Kanyagwal Migosi Oriko Pete ne onyiso od burano ni kaluwore gi chike matayo od burano to koda ma tayo od bura mamalo mar senate owinjore lipot marango weche omenda kata budget chiwne kamiti mar PIC kata PAC (Parliamentary Accounts Committee)
E kinde twak onogo, ma en MCA ma Market Milimani Migosi Seth Kanga, ne bende ne jokwayo od burano kokalo e apisi mar spika mondo joyie lure gi chike matayo od burano e kinde timo ng’eto mag buche mopogore opogore.