Dhano 51 owito ngimagi e masira makoch mar apaya, Londiani Muhoroni
Written by Phenny Waga on October 10, 2018
Ji 51 owito ngimagi e masira makoch marapaya okinyi makawuono, e apaya mawuok Londiani kochomo Muhoroni e county ma Kericho.
Masira nogo oting’o nyamburko aina mar bus manerik ochomo Kakamega kowuok Bwore Nairobi. E maling’ ling’ makende mogol gi obila en ni nyamburko no noting’o jowuoth mohingo 52. Kalure gi jatend obila mar apaya e hoho mar okak (Rift Valley Provincial Traffic Officer), migosi Zero Arome, owacho ni onge nyamburko moro machielo manonywaki e masiranogo.
Bende jatend obila e county ma Kericho migosi James Mugera omedoni ekind jogo mowito ngimagi, 31 gin joma chwoo, 12 gin jomamiyo kasto7 gin nyithindo.
Photo courtesy.
Road accident in Kericho county
