Nonro mar obwongo onyiso ni Jafwambo Jacque Maribe wiye ler ka pamba kendo idhichwale edoho gi ketho mar nek

Nonro mar obwongo motimne jafwambo Jacque Maribe oyangoni wiye ler kapamba kendo koro bura mar nek mar Monica mosebedo kakwake nyalomana dhio nyime.

Kalure kod okil mare, migosi Katwe Kigen, nonro makamaa notim chieng’ tichang’wen kalure gi chik manedoho ogolo. Okil Kigen bende omedoni Maribe koro dhichopo kendo edoho kaachiel kod achich machielo mabende en osiep chunye, Joseph Irungu ( Jowi).

Photo courtesy.
Maribe and Jowie.

Ekinde mokalo, jang’ad bura Justice Jessie Lesit nogolo chik mondomi omed geng’ne Maribe e rumand mar Lang’ata Women’s Prison eseche ma Jowi bende imedo geng’ne e rumand mar Industrial Area Remand Prison nyaka kendo chieng’ wuok tich kama ibochwalgi enyim doho. Ekinde gogogo, okil mar Jowi migosi Cliff Ombetta, nogolo ng’ur mare kowachoni achijno pokoyudo thieth moramora chakre noyud rem mar magina egoke ma koracham eseche ma notemo kawo ngimane owuon, katobedo ni doho ma Kiambu nogolo chik mondo ochop kode eod thieth jumbe ariyo mokalo.

Achije ariyogo duto nochwal enyim doho chieng tichariyo gokinyi, kalure gi ote makende manowuoke apis mar jamin wach edoho (Director of Public Prosecution) migosi Noordin Haji, manonyiso mor mare kowachoni neno duto manoseyudi noromo ng’ado bure ne achijego duto.

Jafwambo Maribe kaachiel kod jaherane Jowi, itudo gi ketho mar nego nyadendi Monica Kimani ekar dak mare mayudore Kilimani bwore Nairobi.

Katakamno chich nitiere ni nek makamaa nobiro kalure gi omenda modhuro mawachore ni Monica nerik odonjogo pachokaa kowuoke piny libamba mar South Sudan.