Photo courtesy
Migingo Island
Gi Odalo Fred.
Chula ma Migingo duong’ mare nyaloromo ¼ ekas kende to katakamano oting’o kwan dhano mathoth. Migingo osebedo kanywolo tulo kaachiel gi gwenyruok buora ekind piny Kenya gi Uganda mar yango piny maen wuon Chula onogo.
Katobedo ni ohala mag lupo osebedo kadok piny mos mos kwom thwolo malach e nam lolwe, rech mar mbuta to podi wachore ni ng’eny e chulanogo ma Migingo.
Jalupo manyinge Isaac Buhinza,22, mawuok e piny libamba ma Uganda wachoni Chula ma Migingo noyuaye kendo more mokalo wirani osiepene manesik dhilupo kono nosiko dok pacho gi mwandu modhuro kamoting’o rech tara gi gana. Omedoni kata en owuon okong’eyo wuon Chula onogo. Jalupo Buhinza wachoni dak magidak machiegni gi chula Migingo miyogi yot mar wuoth kendo konyogi eyudochiro mapiyo mar rech.
Nyaka ehiga mar 2,000, Chula ma Migingo noting’o oganda manok ahinya kendo neyudore epiny Kenya e goro kata maps duto.
Kae emakoro piny Uganda nochako mwonyo olao ne chulanogo kendo oro apisas mage mag arita kwee mondo ochak solo kata choko osuru kowuok kwom jolupo gi mise mar geng’o jolupo elwet achudhe manyalo mayogi mwandu ekinde magin e nam lolwe (pirates).
Kenya gi Uganda nochwogo kamison moro mar yangu wuon chulano, kamison mabende netimo rameny e goro kata maps duto kowuok e higa mar 1920s. Katakamano nyakasani kamison no pokoyango piny maen wuon Migingo, kakoro mae osechuno chulanogo ket elwet pinje ariyogo duto, wach mabende osebedo kakelo midhiero gi obadho mopogore opogore ne jolupo kaachiel kod jodak duto makono.
Achiel kwom obila moro ma Kenya owacho ni lweny ewi Migingo nochako neno ekinde ma piny Kenya nochopo kanyo kendo keto bandera, katobedo ni e thwolo malach, bandera mar piny Uganda emosegabedo kanitiere kono.
Omedoni kae koro ema apisas mag lweny mawuok Uganda nochako timo apedha mager echula onogo kendo chako bwogo jodak makono.
Obila ma Uganda bende oyie ni lworo nenitiere yokono ethwolo mokalao to katakamano to korkakore, jalupo Boaz Owuor, 28, mawuok Sori, mana Kilomitas 15 kowuok Migingo, lweny makamano nonyiso ni apisas mag Uganda nokawo wach Migingo matek moloyo apisas mag Kenya.
Apisa moro bende owacho ni winjruok mosechopie nyisoni owinjore pinje ariyogo bed gi kwand obila maromre e chulanogo to katakamano apisas mag Uganda ng’eny mohingo mago ma Kenya. Katakamano piny Uganda to otamore wach makamaa.
Nam Lolwe enam maduong’ie mogik e Africa, kendo wach makoro miyo rech ochako lal enambonogo osebedo kakelo midhiero malich mokalo ne jolupo mopogore opogore kaachiel gi johera mag rech.
