Jotich mag thieth e Homa Bay obwogo bago ng’anyo kalure gi osara modeko
Written by Phenny Waga on October 31, 2018
Photo courtesy
Homa Bay Hospital
Gi Odalo Fred
Mohingo jotich 2,000 mag thieth e county ma Homa Bay obwogo mar bago ng’anyo maratipo chieng’ wuok tich ponono ni tend county makono obirokoso chulogi osachgi ewang’ saa.
Jotichgo mag thieth kamoting’o lakteche, nurses kata johocho, jotim pim kata laboratory technicians, lakteche mag yath kata pharmacists kaachiel kod jotich mamoko mag tend county no ma Homa Bay, sani koro wacho ni edweche apar mosekalo, pokgibedo kichulogi osara ewang’ saa.
Kotelnegi kod jagoro ka duol mar jochiw thieth kod lakteche mag lak kata Kenya Medical Practitioners and Dentists Union (KMPDU) ebade ma Homa Bay laktar Ben Otieno, gimedo ni omenda moko ma balang’ bende pokobed king’adogi eyoo makare.
Bende omedo ni okgibichope tich kochakore chieng’ wuoktich juma manyien ponono ni tend county makono okoso winjo ywakgi.
Jochiw thiethgo koro wacho ni ekind dweche apar mosekalo, tend county ma Homa Bay osegabedo mana kaywagre ni county assembly makono ema osekoso pwodho chenro mag omenda kata budget ewang’ saa, kamae koro osebedomana kachido chuny lakteche kod jotich mamoko.
Laktar otieno owuoyo nyoro e osuptal ma Homa Bay County Referral Hospital ekinde manochiwo twak mare ayanga ewi ikruok magisetimo mar chako ng’anyo makamano juma manyien.
Bende laktar Otieno ohum nono kowacho ni counties mamoko osebedo kachulo jochieth mag gi ewang’ saa, mano kamotingo Kisumu, Nyamira, Kisii kaachiel gi Migori.
|
|
|||
