Kembe 7 mag nyamburko mag jowuoth ochungi e tich gi NTSA
Written by Phenny Waga on October 31, 2018
Photo courtesy
PSVs
Gi Odalo Fred
Kembe 7 mag nyamburko mag jowuoth kata Public Service Vehicle (PSV), omaa obok mag tich gi duol marango wuoth makare e apeyni ma thurkaa mano National transport and Safety Authority (NTSA).
Kalure gi andiko kod chik makende mogol gi NTSA, en ni SACCOS kata riwruoge mag nyamburkogo, kamoting’o mano mar Molo Shuttle SACCO matiyo gi apeyni ma Nairobi, Nakuru kod Kisii, koro ochungi mapiyo piyo kendo kik tem keto nyamburko mekgi e apaya moramora.
NTSA koro wacho ni kembe 7 go duto osebedo karocho chike mag apaya e pachokaa, chike mabende yudore e (section 5(1) of the Natioanal Transport and Safety Authority (operation of PSV) regulations 2014) kendo mae koro osebedo kaketo ngima jowuoth kamarach.
Kembe mamoko mag nyamburko mabende omaa obok mag tich oting’o Nairobi Kiruline Services, Gakanago Sacco, New Lowland Sacco, Hannover Commercial Enterprise, Newlot Sacco kaachiel kod mano mar Peja Travellers.
