Photo courtesy
Donald Trump
Gi Odalo Fred
Ker ma U.S.A Donald Trump oriembo e tich atoni gener mar pinyno Jeff Sessions tok bedo gi ywaruok kode kwom thwolo mohingo higa achiel, mano tok migosi Sessions gobado piny ewi nonro moro mar piny Russia mosebedo kachando par loch ker ma USA mano White House.
Sessions koro ebodo jago mokwongo teng’ lwete mogo ebad migepe ma USA kono, kalure gi yungni mosebedo e pinyonogo.
Oteng’ lwete mogo odiochieng’ manyoro mana kalure kod yiero moro modundo mayande otim chieng’ tichariyo e bad migepe makono. Weyo tich mar Sessions en gino momako dhoo oganda makono, kalure ni jajono emanobedo Senator mokwongo chiwo sir mare ne ker Trump ekinde yiero maduong’ manobagi kono higa ma 2016.
Trump osebedo kaseyo Sessions mokalo enyim oganda kendo sunde kwom koso kawo ondamo mager ne jogo moringo pinjegi kendo jot e piny mar America kono ataro mar chik.
Bende Trump sunde kwom siro lwedo nonro mosebed kitimo kod migosi Robert Mueller, ewi kadiponi chenro mag sero ombulu kata campaigns manotim gi Trump, nosir kod piny mar Russia. Nonro makamaa osebedo kakelo liet mokalo USA kono, kakoro Ker Trump iwacho ni nokoso tiyo eyoo maratiro ekinde manotimo kisera mage.
Trump bende kokalo e tond mbui mare mar Twitter, olando ni jatend jotich e paisi mar Session, mano migosi Mathtew Whitaker emakoro dhibedo atoni gener eyor kojolo.
