\
Photo courtesy
People living with disability
Gi Odalo Fred
Ja od bura mogwel mawuoke county ma Migori, mikai Denittah Ghati koro chano chwalo enyim od bura mamalo twaka manimba mageto keto kum mager ne jogo duto mibiroyud kod ketho mar bambo jomanigi ng’ol mopogore opogore kaachiel kod jomanyiri.
Kanochiwo twak mare ne jogo modak kod ng’ol makaa kod kacha e Uriri Sub County, Migori County, Mikai Ghati owacho ni chik makamaa bironeno ni jogo duto mibiroyud kod ketho mar rocho ratich nyithindo manyiri, mine, jomodak gi ng’ol, obi ong’adnegi twech jela mar ngimagi duto.
Bende omedo ni gi ekindeni, onge chik maketo kum mager ne jomosebedo katimo mahundu makamaa, kakoro mae osebedo karocho mokalo ratich jomamine e pachokaa.
Mikai Ghati omedo golo kwayo ne obila kaachiel kod jodito mamoko machiwo arita kwee mondo one ni jogo modak gi ng’ol mopogore opogore oyudo rit makare kendo oyudo ratichgi kinde duto mar neno ni okojwang’gi e yoo moramora.
Weche makamano bende jaod bura ma Uriri migosi MarK Nyamita, mabende osingo mar chiwo sir makende ne chik makamaa eseche ma obiochwale enyim od bura.
