Photo courtesy
Crime scene
Gi Odalo Fred
Jogo malemo e din mar Kristo e sub county ma Malindi, odiochieng’ manyoro obago lamo makende ne nyar jo Italia moro manyinge Silvia Romano, mayande tiyo kaka ja samaria mang’uon yokono kende nochwee omaki kod achije moko mag mahundu.
Romeno mabende en jataa chero kata manager mar African Milele Onlus, nondhii kod jomoko momanore gi magina epar mare mar mayudore Chakama tarik 20 dwemar 11, kakoro nyaka gi ekindeni onge jal mong’eyo kama notere.
Katakamano maling’ling makende mabende pokoyangore, lieko ni nitiere sumo paro mosebedo kadhio nyime ekind tend piny mar Italy kaachiel kod jo mafundu manomako miyo onogo mar temo hombo jo mafundugo mondo koyie to oweye thwolo.
Bende Reverend Hulda Tsuma, maema notayo lemo e kanisa mar St.Mark Anglican Church mayudore Watamu e pachokaa, ogolo kwayo ne jogo mayande ondhiyo miyono mondo koyie to otimne ng’uono kendo oweye thwolo.
Omedo nyaka timo alam makende kokwayo Obong’o Nyakalaga mondo otimie ng’uono ne miyono mar neno ni orese e lwet achudhego mayande omake. Juma mokalo, jaod achiel kwom achijego mag ndhicho nomaki kaachiel kod jal machielo, kakoro gi ekindeni gikonyo obila etimo nonro ewi wachonogo mar lal mar Romano.
