Lweny e kind jokanyo mag iebc pod medo nenore..

Chal kagima lweny e kind jokanyo mag iebc pod ok bi rumo gisani sama mane gin commmissioners machon mane ochopo e nyim kamati od bura weche omenda od bura ne joketo gi mar lero kaka duolno ne otimo chenro mag chiwo orak ne kembe mane okonyo gi e wach tayo chenro mag iebc e yiero ma higa mokalo.

Jokanyo machon kaka Margaret Mwachanya kod Paul Kurgat ne jowacho ni chochni mane omako duolno ne obedo koluwore gi telo marach mane jakom gi W.Chebukati ne oketo e duolno.

Magi ne oyangore sama ne gichopo enyim kamati PAC manedwaro yudo adieri kaka pesa kod orak ne oketi ne kembe moko mane ochwalo gige yiero mane obedo higa mokalo.

Mwachanya kod Kurgat ne jokwedore gi wach mar chochni mane obedo kane gichwalo richogo e wi jakom mar duolno Chebukati mabend ne giwacho ni wach tende marach emane omiyo giweyo bedo jokanyo mag duolno.

Magi ne otimore tok ka duol mar PAC yande ne osetimo romo kod mane en jataa chenro mag duol no machon Ezra Chiloba to kod jataa tije e yor kojolo gi sani Marjan Hussein eyango weche gomag omenda e duolno mar yiero pachoka.