Skunde iyawo kawuono tok doho golo chik ne TSC kod Knut…

Photo Courtesy.Jatend migao mar somo thurka mikai Amina Mohamed.

Wach mar ng’anyo mane onego chakre nyoro ne ochungi kod doho ma malo mabende ne ogolo chik ne duonde mag TSC kod Knut mar timo twak e yudo yo makende mar tieko ywaruok ma gisebedo go e kindgi komakore gi weche loko jopuonje kod medo lemo ma iwacho ni kinde malach osegabedo ka kelo ywak ni ok timgi e yo makare.

Knut kokalo kuom jagoro Wilson Sossion ne joramo ni ne ok gibidok e tich kata nade wira ni TSC ok osenyiso dwaro mar tieko ng’ur magisebedo ka gichwalo e lwasi mar gi mar tich.

Sossion ne nyoro jowacho ni kata obedo ni ne giikore mar timo twak kod TSC e tieko pek go,en TSC ne ok nigi ikruok mar mondo gitim twak mar yudo yor tieko chochni go.

Kokalo e chik doho e kom jayal buche Brian Ongaya,en ni ne ochiko Knut kod TSC mondo odg e mesa mar timo twak e tieko lwenyno.

Justice Ongaya bende ne onyiso Knut mondo ne ochung ng’anyo mane gichano timono,ka TSC bende ne onyisi mondo owe wach marloko jopuonje mane gisechako timo,nyaka chop winjruok makare yudi.

Magi duto ne otimore sama jatend migap somo Amina Mohamed ne olero ni gin kod ikruok eneno ni lai mag somo ma nyasani idhi chaki e tielo ma awiye ne jop[uonjre matindo kod man e diere e skunde piny owacho.