Pek ne obedo ne oganda buora nyoro e weche wuoth…
Written by Rodgers Ogongo on January 4, 2019
Wach mar yawo skunde nyoro pachoka ne obedo mapek ne moko kuom jowuoth komakore gi yepo mag skunde pachoka.
Magi ne otimore sama jopuonjre ne dok e skundegi ne tielo mokuongo tok nyasi mag giko higa.
Weche ne ok yot ne jomyuol gi myithindo mane dhi e school komakore gi wach mar bei ma iwacho ni weg geche ne omedo bech wuoth nydiriyo kata didek e apaya moko pachoka.
E boma ni ma Kisumu,weche ne ok yot ne thoth jowuoth nikech moko kuom jotich e gechego ne chal ni omedo bei komakore gi thoth jowuoth.
Jopiny ne oywak ka giwacho ni bei mag wuoth ne obedo komakore ni dwaro mar wuoth ne obedo mathoth ahinya.
Jopiny kata kamano onyiso ich wang’ margi kod wach mar ne medo bei maiwachoni ne itimo e ataro mar chik.Jopiny go bende ogolo ywak ni jogo matiyo e geche josegabedo ka hinyo oganda kod wach mar medo bei sama jowuoth thoth e apaya.
Kata kamano,jakom mag sacco mag geche Kisumu kaa,Ochieng’ Omwa,olero ni ok onego jogo matiyo e geche ok onego med bei kata obedo ni jowuoth thoth e apaya.
Omwa lero ni gin kaka jotend sacco,ok ginyal yie mondo jowuoth obed gi pek mar chulo pesa mathoth e kinde ma jowuoth thoth e apaya.
