Jalup jakom mar Jubilee ne ogwe tao…
Written by Rodgers Ogongo on January 7, 2019
Wach amr siasa mar Jubilee medo kawo okenge buora komakore gi wach jal mabiro tiyo gi otiko mar Jubilee e dwaro kom Ker e higa 2022.
Jalup jakom David Murathe mane owacho ni ok giikore mar biro siro DP William Ruto e dwaro komno,nyocha ochako wacho ni oikore mar biro dhi nyaka e doho mamalo mogik mar yudo ler e yor chike mayango chung’ e kom onogo.
Murathe nyocha owacho magi ei Rarieda Sub-county-Siaya county e kinde iko mar owadgi jagoro mar Jubulee Raphael Tuju.
Kane owuoyo e nyasi no,Murathe yande okwayo okil James Orengo mondo jokony e lero ne jopiny kaka chik wacho e weche telo kod dwaro telono mar kom ker.
Weche Murathe go josegabedo ka gido paroma buora mopogore e kind josiasa mag Jubilee ka moko josebedo kanyiso ichwang’ ewi mUrathe sama moko bende josebedo kasiro pachego.
Tjoth Mps mawuok e dhood jo Kalenjin ok josebedo kamor gi wceh MUrathe go ka giwacho ni ok gini dog chien e dwaro mar mondo Ruto obi okaw kom ker.
Oscar Sudi-Kapseret Mp ne owacho ni Murathe owe nyiso achaya ne DP Ruto kabende ne onyise ni ka odwaro telo to en bende ochung’ mar mondo yiere.
Sudi ne owacho ni en gino ma mako dhok ni jalup jakom mar chama bende odonjore e siasa mag chama no kaka Murathe osegabedo katimo.
Magi timore sama David Murathe ne bende ogwe tao nyoro mana ndalo 1 tok ne wacho i oikore mar dhi e doho mar dwaro ler mar chik e wach chung’ e kom ker.
Murathe ne kata kamano ne olero ni oonge gi dwaro moro mamare kende,ka ne oramo ni oonge gi paro moro mar donjo e weche siasa,ka ne omedo ni obiro medo dhi nyime gi pache no mar kwedo dwaro mar DP William Ruto.
