OMENDA MAR SOMO (SCHOLARSHIP) POK OOR NE JOPUONJRE E KAUNTI MA KISUMU
Written by Phenny Waga on February 27, 2019
Photo courtesy. County Assembly of Kisumu.
BY JOWI RAYMOND.
Achiedhnade pod medo mana kwako moko kuom jopuonjre mane otimo maber e penj margi mar klass 8 kendo yudo singo mar yudo sir mar omenda mar somo mong’ere ni SCHOLARSHIP ka nyaka gi e kindeni ka gidek rem dhi nyime gi sombgi wira ni tend kaunti ma Kisumu pok ooro omenda go ne sikunde ma gisome.
Ka ne otwak koda jofwambo e liare mar od bura ma Kisumu ma en MCA ma West Kisumu Ward Migosi Paul Okiri ne jogolo kwayo makende ne tend kaunti ma Kisumu mondo joler malong’o gino momiyo pok omenda makamano ochopone jopuonjre mane opuodh nyinggi mar yudo sir.
Migosi Okiri lero ni deko ma tend sirikand kaunti ma Kisumu ne odekogo oro omenda ne omiyo jopuonjre moko chwe wito thuolo mag somo e sikunde madito gino mane ochuno moko kom jonyuol tero nyithindegi e sikunde go mamoko e kor gweeng’. Jatelono lero ni nyaka gi e kinde ni ma jopuonjre ne osetieko yueyonoo ma adundo kata halfterm, sirikand kaunti ma kisumu pok ochiwo ler moro amaora e wii wachni.
Jatelono osingo ni omenda no maromo million 2 mar Burasry ogik or kata kamano yuak margi makende kaka jotelo ne en mondo mi rang mapiyo chal mag jopuonjre mowinjore yud sir mar SCHORLARSHIP.
