Nerry Achar othich oko eapis.
Written by admin on August 13, 2019
BY DAVE OPIYO.
Koro gikone to od bura ma Kisumu othicho oko jatend migao mar omenda Nerry Achar eapis.
Kokalo kuom twak manopedh gi MCA ma Kolwa East Migosi Steve Owiti noseyo Achar kaka jalno maongee kod lony mong’ith e migao mar omenda.
Owiti noyango ni Migosi Achar bender nosiko bwono chopo e nyim od burano ekinde manegimanye ni oduok penjo.
Okinyi makauono jood bura 37 nogoyo ombulu mar thicho oko Achar kuom ombulu 3 kende.
Onyango Oloo speaker mar od burano noyango nikata obedo ni negiyudo samanth mar doho oteku mar samanthno norumo nyoro tobende nokele tok twak mar golo jatend migaono oko rumo chuth.
Magitimre kajood burago nosesingo ni ongee ohala magibiro loko gi Migosi Achar ponono ni odhi chunjo eapis.
Rowere moko bende nyocha oniano ni Migosi Achar nyaka dir oko eapis makaok kamano togibiro rakre kode aching’ e yor thiche oko gi agoko.
Giesani wange duto ong’iyo governor Anyang’ Nyong’o wira migao mar omenda en lumbro matayo tije mag county.
