Chike Manyien Madwaro Ni Kuonde Uso Yedhe Obedgi Pi Mamol Kod Choo Makare.

By Philip Ouma.

Kuonde uso yedhe sani koro idwaro mondo obed gi pi mamol, choo ma oger makare, kar puko yugi kod kama inyalo kanie gik ma itimogo ler, ma kaluwore gi chike manyien ma ogol gi migao mar thieth.

Ka ne oyango chikni, jagoro maduong ka migao mar thieth Chief Administrative Secretary Rashid Aman ne owachoni jous yath kod kuonde uso yedhe nyaka lure gi chikegi eka bi migi Licence mar tayo chenro mag gi.

Ne omedo ni kuonde uso yedhego nyaka bedgi kama ikete yedhe ma imuonyo, fridge, rapim kata ratil kod rapim mag pi(measuring cylinders volumes betweenzero and 100ml).

Migosi Rashid Aman wacho ni jous yedhe koro nyaka kan recirds kata andika mag gi maber manyiso kaka gisebedo ka ginyiew yedhe.

Omedo ni kuonde uso yedhego koro nyaka taa mana gi lakteche ma opwodhi gi sirkal(Pharmacist or Pharmaceutical Technologist) seche duto.

Kaluwore gi chikego, yedhe ma okethore (expire)nyaka koro pogi gi yedhe mamoko mabeyo ma inyal usi ne jatuo.

Yedhe ma ichichgo ni ok okig e ranginymadwarore, kata ma ondik marach nyaka koro to ket tenge mondo kik usgi ne ji. Yedhego nyaka chwal ne duol mochung ne yedhe kata (Pharmacy and Poisons Board).