MURDER IN OSIRI MATANDA -NYATIKE
Written by admin on August 3, 2020
By Moses Omollo
Jalmoro maja higni 35 owito ngimane e gwenge ma Osiri e sub county ma Nyatike bang’ yudo hinyruok marach mar ojalo mane ochadhego kod jowadgi mamoko e weche mawachore ni mag hera.
Kane oyango wachno ne SKY e yor ong’we yamo, ruoth morito gwenge ma Osiri migosi Alfred Oula ne oleroni ne oyudo rupot ni jalno ne owito ngimane kendo e nonro matin mane otimo ne oyudoni jalno mane oyango kaka Abel Odhiambo Omuoro kod jomoko 3 ne omuocho lweny kanegilaro miyo moro kendo negichadho jalno marach mine ochwe ong’ielo orengo.
Ne oyango achije mane odonjore e lwenyno kaka Odhiambo Nyadiero, Ogutu Nyadiero kod Ochieng’ Nyadiero.
Ji ariyo ne osemaki ka ng’at achiel to ne oringo mi olal nono kendo iparo ni ne odhi e piny libamba ma Tanzania.
Ringre Abel Odhiambo ne oter e kar kano ringre jomotho ma Migori level 4 kuma oritoe timne bero eseche ma obila bended hi nyime kod timo nonro ewi wachno.
