Migori County Commissioner Orders Probox Vehicles Away until They Comply With Covid-19 Rules and NTSA Certificate.

By; Moses Omollo

County commissioner ma Migori migosi Joseph Rotich ogolo chik ma tamo geche mag probox matingo jowuoth to pok opwodh kod dwol mar NTSA kod committee ma ochung ne neno ni landruok mar corona onyal geng e county ma Migori.

E obokenoero mane ochwalo ne ute fwambo county commissionerni koni geche mag probox maringo kendo tingo jowuoth e county ma Migori ema sani koro ketho chike mane oketi mar neno ni landruok mar tuo mar corona ogeng e county ma migori ka okoni broboxgo tingo ji ma ngeny kendo ok giluree kod chike ma oseketi.

Ne okoni mana probox ma oseyudo oboke ma puodhe mondo onyal ringo kendo tingo jowuoth ka owuok e dwol mar NTSA kende kod mago ma oseyudo oboke ma owuok e apis county commissioner ma otenore kod wach corona ema idhi yienegi mondo onyal ringo kendo tingo jowuoth maromo adek kende kaka chik lero.

Chiknoero mar county commissioner biro mana e thuolo mar ndalo achiel bang derep probox mawuok e gwenge mag kehancha kod isbania ne bago nganyo ka gipingo okang mane obila okawo mar makogi nikech gionge obok ma puodhogi mondo ginyal tingo jowuoth e gwengego.

Ka e gwenge ma rongo bende commander mar obila migosi peter okiring ne osegolo siem ne weg geche mapod ringo to onge obok mag puothgoero ni gidhi makogi samoro amora ka ochakore kawuono.

Migosi okiring ne okoni mana genche ma biro bedo kod oboke mag puoth ka owuok e apis mar county commiosser kod duol mar NTSA kende e ma gidhi yienegi mondo onyal ringo kendo tingo jowuoth e gwenge ma Rongo.