We Want Water in Nyatike,MP tells Migori County Government

Written by on September 14, 2020

Pogruok omienjo e kind jaod bura ma nyatike migosi Tom odege kod sirkannd county ma migori ka otenore kod wach dongruoge mag pii ma jaod burano koni ok osebedo ka ichwalo ne jodak ma nyatike kendo miyo koro giwuotho kilimita mathoth ka gidhi manyo weche pii e tong mar Migori county kod  Homabay.

Migosi odege mane loso e county ma migori ne ochayo ahinya sirkand county ma migori ma okoni osebedo mana ka ok chwal dongruoge e gwenge mag nyatike ka okoni oganda jo nyatike osebedo ka sandore ne wach pii to omenda mag dongruogego osebed mana ka ichamo kod jodito mag sirkand county ma migori.

Ne okoni kata mana MCAS mawuok e gwenge mag nyatike sub-county bende ok nyis wach moro amora kod telo mag migori e thuolo ma gidwa timo gimoro e gwengegi ka okoni mano nyiso ni weche mag mibadhi okwako chenro ka okoni da ber ka MCAS Ma migori ngeyo gik ma sirkal dwa timo e gwengego maok mano ma osebedo ka timore e thuolonieri.

Wechenego ne okwedi e okang ma malo kod apisa maduong e tend migawo mar pii e county ma migori migosi Kabaka Ochenge mane okoni wach mane jaod burano wacho ni pii onge e gwenge mag nyatike gin mana siasa kod miriambo lilo ka migosi Kabaka ne okoni sirkand county ma migori osebedo ka ochwalo pii e gwenge ma opogore opogore e nyatike sub-county


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST