Rowere e county ma Migori koro oketo riwruok mag sadha

Written by on October 13, 2020

By Moses Omollo……… 13/10/2020.

Rowere e county ma Migori koro sani oketo riwruok mag sadha kata saccos mbele kaka yoo mar yudo konyruok kaluworeni tich ne ojende onge e pachoka

Thoth ojende e county ma Migori koro sani donjore e riwruok mag sagaa kaka yorno mar yudo hola makonyogi e ting’o malo ngimagi ka thothgi wachoni tich tinde tek yudo to nyaka gidhi nyime kod dongore.

E boma ma Migori, Oruba karamu community based organization en riwruogno ma osekelo kanyakla ojende, mine kod ji mathoth kendo thothgi oseyudo lokruok e ngimagi kokalo kuom kungo kod hola magitimo kokalo kuome.

Ekinde mag nyasi mar pogo pikipiki ne moko kuom jokanyo mag CBO no ne wawuoyo kod ojende maleryo kaka ngimagi oselokore nyaka negidonjie oruba karamu CBO.

Mae en maurine Awuor Mukua mane oleronwa ni nosekaloe chandruok mathoth kanepok odonjoe riwruok moro amora to nyakane odonjie CBOno ngimane oselokore mathoth kendo sani koro en kod pikipiki ma ogenoni biro medo bero ngimane

Moko kuom ojende mabe osedonjoe Oruba Karamu CBO ne oleronwa wuodhgi e CBOno kaka osebedo kendo kwayo jotelo mondo oyie oungi lwedo riwruok machalao kamagi mondo gimed konyo oganda ahinya to ojende ma ema thothgi winjo matek bang’ tieko somo to ok giyudi tich.

Thoth jotelo osebedo kakwayo ojende kod mine mondo odonjie riwruok mag saccos to en adieri ni kokalo kuom riwruok makamagi konyruok nyalo wuokie maber maloko ngima ng’ato nimar kao hola e riwruogegi yot maloyo bengi.


Reader's opinions

Leave a Reply

Your email address will not be published. Required fields are marked *


SKY 106.1 FM

Mil Polo

Current track
TITLE
ARTIST