Nyaka ne mak achich mane oyudi

By Moses Omollo

Familia moro ma wuok e gwenge mag siling ei suna east Sub-county koroni to owuok oko kendo manyo ratich nyathigi ma nyaka maja class 10(form two)  ma somo e skund nyiri ma kadika e county ma migori ma wachore ni ne olal chieng Tarik 12/11/2020 to ne oduog oyudi ka opandi eod wuowi moro ma watgi chieng Tarik 21/11/2020.

Kane oloso kod nyakalondoni e wi wachnoero wuon nyathino ma wamiyo nying mar George odiwuor ne okoni nyathine ma nyakono maja higni 16 mane olal Tarik 12/11/2020 en adier ni ne oyudi eod wuowi moro ma ja higni 21 ma en watgi chieng sabato mar Tarik 21/11/2020 bang obila ma migori ne yudo maling ling ni nyathino ne onee eod wuowino kama kane obila ochopo eodno kar saa ochiko mar odiochieng to ne oyud nyareno kod wuowino e kitanda ma ochwee omakogi duto kanyo kanyo.

Jaduong George ne olero ne nyakalondoni ni nyaka ne mak achich mane oyudi kod nyare nyaka e thuoloni pok ochwal achijno e doho kata obedo ni nyare to ne osechwal e osiptal ma opim ka okoni gima duong ma odwaro en ratich nyathine mane okethi.

George ne okoni obila ma migori sani koro bago wach case mar nyathineno ka okoni maling ling ma oseyudo en ni jodala gi wuowino chal ka gima osewinjore kod obila mondo oketh caseno wach ma omiyo owuok oko mondo onyal manyo ratich nyareno ka okoni onge kaka obila nyalo wacho ni gionge kod neno ma oromo mar donjo ne wuowi mane oyud kod nyanthino eode ndalo 9 bang nyareno ne Lal  e gwengego ma suna east.

Ne okwayo sirkal mondo onyal donjore e wachnoero mondo onyal konye yudo ratich nyathine ma nyakono ka okoni wach ma obila sani koro nyise ok en wach ma ochomo yoo kata matin.

Kaluwore kod wachnoero nyakalondoni ne omanyo commander mar obila ma migori manase musioka mondo ne nyal chiwom ler e wi wachnoero to ne odagi loso ka okoni weche mag county ma migori county commissioner ema lose.