Kuyo kod lit okwako gwenge mag Nyakasumbi

Kuyo kod rumbi mar lit okwako  gwenge mag Nyakasumbi ei Nyawita sub location  e sub county ma Bondo bang ka nyathino majahiga achiel ne stima ochwado ma ochwe owito ngimane otieno mapiny orugo kawuono.

Nyathino moyang nyingeni Sarah Adhiambo Odhiambo majahiga gi dweche angwen ne oromo githone ekinde manegitugo e tok duka moro mantie  but odgi ekinde ma masirano nojuke.

Kaluore kod ruoth ma Bondo Township location Migosi Walter Ochieng, Maneoyango masirano, nyathino chal kagima ne omulo waya  mangi stima maneowe koliero piny e   tok dukano ekinde manegitugo.

Migosi Ochieng ne omedoni e seche manejalupne Migosi Ayub Ogolla ochopo e kar masirano, ne oyudo ka min nyathino osegolo ringre kanyo kendo tere e odgi

Jatend loch nangano bende ne okao thuolono Mar chiwo siem ne jogo mayudo sitima eyoo maokowinjore ni giketo ngima oganda mamoko kumarach mokalo kakoro ginyalo kelo thoe maket Kama.
Ringreno neoseter e Kar kano ringre jomotho ma Bondo sub county hospital Mortuary kakoro obila dhii nyime gi nonro.