Speaker mar od bura ma Migori Migosi Boaz Okoth gi jomoko 17 dhi bedo wendo sirkal

Speaker mar od bura ma Migori Migosi Boaz Okoth gi jomoko 17 dhi bedo wendo sirkal nyaka kiny okinyi saa adek ka ema gidhi winjo ka doho dhi weyogi gi bond koso oyoo

.
Ogandago manochwal enyim jang’ad buche Migosi Peter Gesora nosomnegi ketho 11 kamoting’o tiyo arietha gi omenda jopiny kod tiyo marach gi apis ekind ketho mamoko.

Ogandago duto nokwedo kethogo ka okindegi bende noyango ni nosandgi mokalo ekinde meko margi.

Okindego noyango ne doyo ni moko kuom achijego nikod del mojony maok owinjore nind eod ang’ech.

Katakamano jang’ad bucheno nolero ni kaluore kod saa ok onyal nga’do bura mar golo achijego omiyo nochiwo thuolo nyaka odiechieng’ ma kiny.

Speaker Boaz Okoth nondhii e County ma Migori kar saa ochiko odhiambo