Ojende ma Migori mondo owe tim mar yanyo jotelo

Women rep ma migori mikai Dr.Pamella odhiambo onyiso ojende e county ma Migori mondo owere kod tim mar ketho nying kod yanyo jotelo ma oyier e county ma Migori mondo eka ginyal chwalo pachgi e ne gigo ma gidwaro.

Kane oloso kod jofwambo e gwenge mag nyandema e sub-county ma nyatike Dr.Pamella odhiambo ne okono ojende mawuok e county ma migori mondo kinde duto oneni omanyo yoo maber makende ma ginyalo losogo kod jotelo ma oyier maok mano ma sani dhi nyime mar yango jotelo ma opogore opogore mawuok e county ma migori e mbuii ma pachoka ahinya manio ma osebedo kadhi nyime e facebook kod whatsup.

Mikai Pamela ne okoni ka oponi nitiere jatelo maok tim tije mane oyierene kaka owinjore to yore ngeny ma inyal nyisego kata siemego e kuonde ma ok odhiyee maber to ok mano mar ayany ma ojende osebedo ka timo e thuolo maok giwinjre kod jotelo mane oyier ka okoni jotelo nyalo mana timo dwaro mar ojende mana ka ojendego ochiwo luor ma owinjore ne jotelo.

Mikai Pamela ne loso mana e thuolo mar juma achiel bang jaod bura ma rongo migosi Poul Abuor bende nyiso ngur mare ka otenore kod weche mag ayany kod achaya ma ojende nyiso jotelo e mbui kane onyiso ojende ni mbui ma pachoka ok nyal yiero jatelo maber ka ne okoni jotelo onengo omi luor mondo ginyal tiyo tijegi kaka owinjore.