Miyo maja higni 26 lowo ne oiko e kar kunyo mula ma Kanyasrega ma owito ngimane e ei Awendo sub-county

By Moses Omollo

Obila e sub-county ma Awendo dhi nyime kod timo nonro mar yango thoo mar miyomoro ma ja higni 26 mane loo oiko e kar kunyo mula ma kanyasrega sub-location odiochieng ma nyoro e thuolo mane odhi mar temo manyo  kidi ma iluongoni oyaro kama wachore ni ne okier ma onyumore ei bugo mane osekunye gold machon ma lowo oikogo e thuolonoero.

Kane oyango wachnoero jalup ruoth ma kanyasrega sub-location migosi Ezekiel Kokeyo ne okoni miyoni ma ja higni 26 ma oseyangi kod nying mar Rose Awino  mawuok e gwenge mag Rongo sub-county ne okier ma olwar ei bugo matut mane ikonyoe mula chon e gwenge mag Kanyasrega ka e thuolo mane olwarno emane  lowo oikogo ka bende temo mar ne resogo ne ok onyago olemo moro amora nimar lowo mane oike ne ngeny.

Migosi Kokeyo ne okoni bang kane osegol lowo duto mane oike ne oyude ka chunye ne pod gudo matin kama e thuolo mane iringo kode mondo ne tere e odthieth to emane owitoe  ngimane ne okoni miyono bange ne okaw kod jodalagi  mane oringo ma piyo ma obiro e kar masirano ka gi e thuolonieri ringrene ne jodalagi osetero e kar kanyo ringer jogo ma otho ma Rosewood.

Chief Ezekiel kokeyo kata kamano ne ogolo siem kendo chungo chenrono duto mag manyo kite e kuonde duto mane osekunye mula e gwengego ka okoni kwondego gi e thuolonieri pii osepongo kaluwore kod wach koth ma sani chew e gwenge mag Awendo kod alwora mare.