Ruodhi kod jolupgi mondo onyal timo apedha mar manyo skunde ne jopounjre

By Moses omollo

Jalup County commissioner ma Rongo migosi Andrew Mwiti ogolo chik ne ruodhi kod jolupgi mondo onyal timo apedha mar manyo skunde ne nyithindo mapok odonjo e skunde mane gisomoe nyaka ne sirkal yaw skunde ndalo 2 mokalo.

Kane oloso kod jofwambo e apise migosi Mwiti ne okoni  ne ogolo chik ne ruothi mondo onyal timo apedha ne nyithindo duto mapod odok e skunde mane gisomee ka okoni chik mane sirkal ne ochiwo dwaro ni nyithindo duto nyaka dhi skul Ka okoni nyaka e thuoloni nitiere nyithindo ma pok odonjo e skunde wach ma okoni chife nyaka many nyithindogo ma dogi e skunde mane gisomee.

Ne okoni nyithindo ma bende ne ochwanyore ma omako iyee ma ohiw e gweng’ ma Rongo duto nyaka dhi skul ka okoni nyaka e thuoloni maromo nyithindo 83 ne oseyangi ni ne ogamo remo e thuolo mar dweche ochiko mane gintie pachoka kaluwore kod wach muoch mar tuo mar corona.

Migosi Mwiti ne ogoyo erokamano ne jonyuol mane osechwalo nyithindegi e skunde ka okoni sani koro odwaro mondo chife kod jolupgi mondo oneni otimo apedha mar mako jogoma nyalo bedo ni uso kuong ma chiegni kod skunde kod mago ma bende uso kuong maok opuodhi e gwenge ma girito e yor neno ni onyal tiek chuth weche mag nyuoyo kuong maok opuodhi e gwenge  kendo gineni gichwalo e doho jonyuo kuonggo kod jogo magimako e kwonde nyuoyo kuonggo ka metho.