Dak kod kue

Written by on January 8, 2021

By Moses Omollo

Apisa ma ochung ne chwech mar oganda gender and social services e county ma Migori  mikai Agnes Awinja okwayo familia ma opogore opogore e bomano mondo oneni odak kod kue kendo ka nitiere chandruok e familia to ber mondo ginyal manyo yore mamuol ma ginyalo loso godo kwee e kindgi maok mano mar siko mana kod koko kod dhawo e kindgi kinde ka kinde.

Mikai Awinja ne loso mana e thuolo machwok bang ne setieko yalo bura mane okwako familia moro mane oweyo ka dichwo orodho ma ochwe  olielo  chiege kod beti bang pogruok e paro ne muoch e kindgi.


Ne okoni miyoni ma jaa higni 18 mawuok e gwenge mag Bondo nyironge ei Suna west ne orodhi ma ohiny kod wuon pargi ma gise dak godo mana kuom higa achiel kod dweche 4 ka okoni wach mar dhawo eudi odwaro mondo orum.


Wechenego bende ne osir kod Mikai Ester Onana ma ochung ne jogo ma odak kod ngol e od bura ma Migori mane okoni e thuolo ni giseko loso chik moro ma biro miyo familia dak kod  kue e county ma Migori kane okwayo mondo oganda onyal dak kod kwee  ma ka nitiere pogruok e paro to omany kaka inyal losi maok bedo kod dhawo kinde duto.

Nyaka ne tuo mar corona donje pachoka mine kod nyithindo ma nyiri maromo 12,945  osebedo ka okalo e chandruoge ma opogore opogore ka moko ne obambi,moko ne oketh ratichgi kendo moko bende  ne omii iyeee ma omondo e county ma Migori.


Reader's opinions

Leave a Reply

Your email address will not be published. Required fields are marked *


Continue reading

SKY 106.1 FM

Mil Polo

Current track
TITLE
ARTIST