Buok ewi rech moyud kotho kendo lewo ewi pii

Mana bang kinde machuok tok jolupo mayudore e Chula ma Oyamo e sub county ma Bondo golo ywakgi kaachiel gi buok ewi rech magiyudo kotho kendo lewo ewi pii, jotim nonro koro osechako no-no gimadikel midhiero makamano.

Kaluore gi jalup director e duolno ma ochungne timo nonro ne rech mongere kaka Kenya Marine and Fisheries Research Institute (KMFRI), laktar Christopher Aura noluoni nonro ma awiye wachoni nyalobedo ni rechgo thoo nimar onge mar muya magiyueyo mongere Kaka Oxygen.

Nolero ni maa inyalo kel ka pii mapiny maonge muyano okikore gi pii mantie malo kuma rech odakie gino ma monogi yueyo kendo negogi.
       
Laktar Aura wachoni nonro dhi nyime mar ngeyo tut mar wachni to kata kamano ogolo oko par mar ni rechgo nyalobedo ni ne okwonegi kwiri koluoni rech masirano otimre e dhowedhe mantie e counties mopogore opogore kotingo Homabay, Migori, Busia ekind mamoko.

Bende oluoni rechgo ne olahagi osetop, gino mainyalo kel kod onge mar muya kabende omedoni rech mar mbuta ema thoo koleroni mani timore kaluore ni mbuta duong moloyo rech mamoko kendo dwaro muya mangeny mondo otigo edende moloyo rech mamoko.