Twak manoriko chwal eod burano mar thicho oko jatend migao mar apaya Joyce Atieno

Jood bura ma Kisumu norakre mokalo kaluore kod twak manoriko chwal eod burano mar thicho oko jatend migao mar apaya Dr. Joyce Atieno Osogo.
Maeri notimre tok ogae mar od burano Migosi Elisha Oraro chwalo wach e nyim od bura ni noyudo mana nyinge kende mag jogo madwaro thicho oko Dr. Osogo toneongee twak moteno nyingego kaka chik dwaro.

Maeri neok odhi maber ne moko kuom MCAs manorakre mokalo gi ogae mar od burano kagiwacho ni apisas mochung’ ne weche mag twak eod bura ok ti tijegi eyorno makare.

Negiseyo mokalo clerk mar od burano Migosi Owen Ojuok kuom buonogi thuolo mar chwalo twak, Gad Olima nowuok rondi gi speaker gi okinde od bura kuom gino magiwacho ni girocho tije MCA’s.

Philemon Ojuok manetwak e loo Migosi George Ogutu nolero ni Migosi Ogutu noywane tol ka kone ni otame chopo eod bura kaluore ni nyaka okel oboke manyiso ni oongee kod tuo makoch mar Corona kamaeri nenore kaka temo rocho pache kod dwache mar chwalo twak mar thicho oko CECM mar apaya Dr. Joyce Osogo.