Kuo mar penje e skund secondary mar Kurtiangi

Obila e sub-county ma kuria west ne jochwalo e doho ma kihancha jopuonj maromo 4 mane gimako ka gitudo kod donjore e weche mag kuo mar penje skund secondary Kurtiangi e karchung od bura ma Kuria West e county ma migori.

Kane oyango machnoero commander mar obila ma Kuria West migosi Clerty Kimahio ne okoni bang ne yudo maling ling ka otenore kod wach mar kuo mar penj ne gidhi achiel kachiel nyaka e skund secondary mar kurtiangi mixed kama ne gimakoe jopuonj 4 kod jopuonjre maromo 21 mane giyudo kod otese mag penj e thuolonoero.

Migosi Kimahio ne okoni bang kane giseko dayo dhi jopuonjrego 21 ne olero negi ni japuonjgi maduong emane omiyogi otesego mag penj ma bende kane girango otesego to ne giyudo ka gin mag penj madhi nyime gi e thuolonieri.

Ne okoni jopuonjrego bende ne okoni e thuolo mokalo chien kapok e sach penj ne ochopo japuony maduongno ne okonigi mondo ne ginyal chulo omenda maromo Ksh. 2000 kuom nyathi ka nyathi mane idhi losnegigodo.

Jopuonjgo ne ochwal e doho ma Kihancha odiochieng makawuono ka jopuonjrego to ne owe thuolo mondo ne onyal dhi nyime kod timo penj margi.