Familia moro otony e dhoo thoo bang odgi ne lowoo muonyo
Written by Moses Omollo on May 5, 2021
Familia moro mawuok e gwenge mag kanyasrega sub-location ei Awendo sub-county ne lowo omuonyo odgi kor budho kod gik moko duto bang koth makoch ne chwee.
Kane oyango wachnoero Jalup ruoth ma kanyasrega sub-location migosi Ezekiel kokeyo ne okoni ne oyudo lipot mar familiano mane odgi lowo omuonyo e thuolo mar otieno kar saa 9 ma oweyo ka odgino kor budho ne onyumoree piny kod kod gik moko duto mane nitiere eodno kor budho ka ginto ne gitony e thuolonoero.
Migosi Ezekiel ne okoni odno ne oger e wi lope mane odong thuolo e kwonde mane wasunge kunyoe mula e gwenge mag kanyasrega kane okoni koth mane ochwee e gwenge mag Awendo ne omiyo odno ne osienyore korka budho ma oimore piny kod gik moko duto mane nitiere eodno ka kuma ne ginindee emane odong ka bende oliero e seche mane odno omuomore piny.
Ne okwayo jogo mapod odak e kuonde mane ikunyee mula chon kod wasunge mondo onyal dar gi e thuoloni kane okoni gin kod luoro ni udi mamoko bende kidek ruomboree piny e thuoloni ma pod koth chwee e gwenge mag migori.
