Fuong’ruok ne jogo modak gi kute mag ayaki ekaonti ma Homa-Bay

Koroni  en  fuong’ruok  ne  jogo  modak  gi  kute  mag  ayaki  ekaonti  ma  Homa-Bay  bang’  kuonde   thieth  mopogore  opogore  ekaontino  nejochako  yudo  pok  mag  yedhe  magayo  teko  mar  tuo  mar  ayaki, mabende  osebedo  kathin  mokalo kuom  dweche  maloyo  ariyo duto.

.

Jotuo  makamago  osebedo  kakaloe  midhiero  mar  nok  yedhegoero  maosebedo kaonge  malong’o  ekuonde  thieth  mopogore  opogore  epachoka mangima  kaluwore  gi  koso  winjruok  makare  ekind  sirkal  mapachoka  kod  migaono mar  united  states agency  for  international  development(usaid)kaluwore  gi  keto  osuru  mamalo.

Nok  makamano  neochuno  kuonde  thieth  epachoka  mondo  mi  ochiw  ne  jotuogoeko  yedhe   manyalo  kowogi  kuom  jumbe  ariyo, mopogore  gi  kinde  mokalo  mabende  jotuo  onogo  neimiyo  yath  kuom   mar  dweche 3-6  kuom  jatuo  ka  jatuo.

Jalup  jataa  chenro  mar  tuoche  mag  ayaki  kod STI’s ekaonti  ma  Homa-Bay, migosi  Justus  Ochola  neoyangoni   pok  mag  yedhe  mag  ayakigo   ekuonde  thieth  ekaontinoero  nejochakore  ayanga  chieng  wuok tich   mar  jumani   ka  kuonde  thieth  15  oseyudo  pok  onogo.

Neomedo  loso kaowachoni   jotuo  modak  gi  tuo  mar  ayaki, biro  yudo  yedhe  mabiro  chwalogi  kuom  dweche   adek eyor  geng’ogi  e  tiyo  kod  omenda  mathoth  eyor  wuoth.

Jatelono   bende  owachoni  biro  mar  yedhegoero   dhikonyo  e  rakruok  kod  tuo  makamano  ekaonti  ma   homabay  eyorno   mowinjore.