Chochni eskund primar ma Simbi e ward ma Central Karachuonyo

Written by on May 10, 2021

Weche  mag  somo  e  odiechieng  mokwongo mar  term  3 neobedo  gi  chochni  eskund  primar  ma  Simbi e  ward  ma Central  Karachuonyo ei  Rachuonyo  North  sub-county, bang’ pii  ataro  ne pong’o skul  onogo  kaluwore  gi  koth  mapek  manochwe  otieno  mapiny noruu godo kawuononi.

Jopuonjre  maneochopo  eskulno  okinyi  makawuono  ne  oknyal  dhi  nyime  gi  weche  mag  somo, wira   pii nejopong’o  klesegi,ka  chope  bende ne okethore  mokalo.

Kaluwore  gi  japuonj  maduong’  eskund  primar  onogo migosi Washingtone  Akuno, eni  jopuonjre  neoknyal chopo  eskul  kaluwore  gi  pii mapek  makoro neokwako   aluorano.

Ne omedo loso kaowachoni  ne  gigeno  mar yudo  jopuonjre  makwangi  romo  356  mabende  ekwan  jopuonjre  duto  eskund  primar  ma  simbi,sama  owachoni  jopuonjre  108  kende emaneoyudo  thuolo  mar  chopo  eskul.

Bende  ne  odhi  nyime  kaowachoni  anyuola  moko eng’weng  koroni    neosejot  eskul  onogo  kaluwore  gi  koth  mapek  maosebedo  kachwe  egwenge  makono.


Reader's opinions

Leave a Reply

Your email address will not be published. Required fields are marked *


Continue reading

SKY 106.1 FM

Mil Polo

Current track
TITLE
ARTIST