Migori, yedhe mag kute mar ayaki

Coordinator ma tayo chenro mag kute mag ayaki e county ma Migori onyiso oganda e bomano matiyo kod yedhe ma dwoko chien teko mag ayaki chien (ARVS) mondo kik luor dhi e osiptende mane gindikore ni gikawe yedhego mondo ginyal kawo yath ka okoni kata obedo ni yedhego sani tin to oganda jo migori pod nyalo yudogi matin tin.

Kane oloso kod nyakalondoni coordinator matayo chenro mag kute mag ayaki e county ma migori migosi Daniel Oneya ne okoni kata obedo ni nyaka sani  yedhego ma dwoko teko mag kute mag ayaki piny tin e pachoka mangima county ma migori bende nitiere kod nok mag yedhego wach ma omiyo ne onyiso oganda jo migori matiyo kod yedhego ni kik luor nimar matin mantiereno ibi migi mondo ji duto onyal yudo yath.

Ne okoni oganda jo migori ne ongiyo e kawo yath ma gitiyogo kuom thuolo mar dwee achiel to nyaka e thuoloni koro gichiwo yedhego ma oromogi tiyogo kuom thuolo mar jumbe ariyo kapod gimanyo kaka inyal yud yedhe mamoko.

Ne okoni nyaka e thuoloni ji maromo 83,449 ne osegamo kute mag ayaki ka kuom ogandago guro maromo ji 6,471 gin rowere ma hikgi nie kind higni 14 kaduogo chien ka oganda maromo 73978 to gin jok ma hikni nie kind higni 15 kadhi malo.