YOO MANYIEN MAR LOSO APEYINI
Written by Dave Opiyo on June 24, 2021
Serikand county ma kisumu ka okalie migawo mar weche mag apaya kawuono ochako ayanga chenro mar machine based mabende ne en yoo manyien mar loso apeyini maok omii jo orak ka migawo no mar apaya e county ma kisumu ongiewo loche maromo angwen kachiel kod tingni ma ibiro tii godo eloso apaya e county ma kisumu.Ngire Anyang Nyongo en gavana ma kisumu mane osidho ayanga chenro no egwenge ma Obambo mayudore kisumu west.
Jatend migawo ma ochungne weche mag apaya e county ma kisumu laktar Joyce Osogo ne oyango ni maromo omenda million 129 ne otii godo e nyiewo loche kachiel kod tingni mag loso apaya.
Bende ne odhiyo nyime ka owacho ni tok jumbe ariyo pod gidhiyo medo tingni moko mar eyor neno ni oting malo ranginy mag apeyini e county ni ma kisumu.
Kaa korka kore Mca ma south west kisumu migosi Erick Agola to ne opuoyo mokalo maino ma serikand county ma kisumu oseketo eyor neno ni apeyini olosi e ranginy ma malo.
Ne osingo ne oganda mawuok south west kisumu duto Mondo obed kod Geno ni apeyini duto odhiyo losi kendo chandruok mar nderni maricho ok ne chak nee kendo egwenge go.
