Limbe Jambetre mar piny Britain e od bura ma Kisumu.

Jambetre mar piny Britain e pachokae Migosi Mr Nic Hailey. Photo Courtesy.

By Jowi Raymond

Jambetre mar piny Britain thurkae Migosi Nic Hailey odhiambo ma kawuono ne otimo limbe makende ne od bura ma Kisumu e kinde twak mar od bura onogo.

E kinde twakne gi od  bura onogo, Jambetre ni ne ogolo singo buara ma gichano chwalo ne piny Kenya ahinya to ne kaunti onogo ma Kisumu.

Migosi Nic Hailey olero ni giikore siro kambi loso kwong’ ma kindegi gedo mare dhi nyime e kaunti ni ma Kisumu mar East Afica Breweries ma oleroni dhi chiwo thuolo buora mag tije ne ojende e aluora mar kaunti ni.

Bende komachielo opuoyo winjruok mar tich kanyakla mane oket e kind Ker Kenyatta kaachiel kod Ogai mar NASA Migosi Raila Odinga ma oleroni dhi yao lwasi makare ne weche oala  ok mana e kind jokenya giwegi to nyaka ne pinje go maoko madeher riwore timo oala gi piny Kenya.

Moko kuom dongruok mane osingo ni gihikore mar chwalo ne piny kowuok e log tich mar piny Britain oting’o koda ka medo yao apeyni e kaunties mokiepo kokalo e ogirimiti mar weche oala e pinje Afrika ma Ugwe (Trade Mark East Africa), gero kambi ma biro rego anyuongi ma ogo tach e namlolue e kelo teko sitima e kind mamoko.

Migosi Nic Hailey osebedo e pachokae kaka jambetre mar piny Britain kochokere dwe mar 12 higa mar 2015.