Jotelo ma Mombasa okwedo paro mar gero ot ne governor gi jalupne..
Written by Rodgers Ogongo on May 3, 2018
Gavana ma Mombasa Hassan Joho.Photo Courtesy.
Jotelo mag siasa kod riwruok mag ratiro oganda e bade ma Mombasa okwedo paro mar gero od governor Hassan Joho kod jalupne William Kingi e paro mar omenda e tend county no.
Jotelogo wachoni gero udi go ok onego mii pek to Mombasa nigi midhiero mathooth koting’o,rach mag apaya,choko yugi,yawo hotogoro mag pii,kedo gi midhiero mag yedhe mamero ji, timbe njore kod nok mag tije.
Paroni wachore ni nitie e budget mar 12.9billion e hik omenda mar 2018/19 kama ibirotim gi e tielo 2 mopogore sama county no timo chenro mar choko pach oganda kotenore gi wachno.
Kta kamano,Ali Mbogo,Mp kisauni owachone jotelogo mondo omi pek weche motenore gi dwach oganda kowachoni Joho tiyo e term ne mar 2 kendo mogik ma onego gimi pek weche motenore gi ngima oganda.
MCA ma Bamburi Robert Nyiro owachoni pok giyudo bursary ka skunde oseyaw e term mar 2 kendo onego mii weche go pek to ok wach gero ot,sama nyawadgi Charles Kitula mar Freetown bende ne olero ni nitie weche ma onego mii pek.
Kata kamano,jatend migap omenda e county no Miriam Mbaruk ne osiro parono kolero ni katiba oyango ni ndalo mabiro en ni chudo mar udi[House Allowance] ok bi mii jotelo.
