familia mar baby pendo wachoni ojuang’gi.

Joseph Abanja maen wuon Baby Pendo.Photo Courtesy.

Familia mar Baby Pendo mane owito ngimane higa mokalo e Kisumu ekinde mane oganda nga’nyo epachokae tok duoko mar yiero mahiga mokalo sani koro wachoni chal kagima ojwang’gi kod piny owacho nimar adieri kod ratiro pok oyudore.

Giwachoni mos mar luedo mane otimore ekind ker Uhuru kod moluor Raila Odinga okoromo chanjo adhola mar lit magingo echunygi kaluwore kod lal mar nayathigi mayom.

Joseph Abanja maen wuon mane osenindo Samantha Pendo wachoni oduani jotelo ariyogi odonjre ewachno mar neno kaka inyalo konggi kalueore kod lal mane gikale higa mokalo .Owacho ma kaotenore kod kwa ng’uono mane ker okwayogo oganda jokenya mondo owene kuom lal duto mane otimore ekinde mane lueny maka ma dhie nyime thurka ka baba Pendo to luwoni mano kende okoromo.

Gin kod geno ni buch nyathigi mapod nie doho biro miyogi fuong’ruok ponono ni ibiro ng’ade makare.Kabende koro giwachoni jogo duto mane osingonegi kony sani koro okmak kata simbgi kagigochonegi.

Joseph wachoni onge gimaginyalo timo mak mana nikoro gidhi nyime gitomo tijegi mapile ekonyogi eyore mag nueng’o.

Baby Pendo ne owito ngimane 15/8/2017 kamane ogoe wiye gi obila mane kedo kod lueny mar nga’nyo ei Kisumu bang’ lando Uhuru kaka ker mathurka.