obila muko stonde moger ealuora mar skund sekondar mar nyiri ma moi.

Photo Courtesy.

Jo ohala mantiere kod stonde ealuora mar skund sekondar mar nyiri ma Moi Girls sani koro yuago dayo wirani obila muko oko stondegi mag uso duto moger ealuora mar skundno.

Muko mar stondego obiro mana bang’ tim mar anjawo mar bembo mane otimne achiel kuom jopuonjre eskundno ndalo ariyo mokalo chien.Apisas mag obilago wachoni muko mar duknigo gitimo kaluwore ni chich nitire ni kanyo ema kweth maricho mag njore osebedo kaponde ema bang’e togi yudo thuolo mar donjo eskundno.

Wach makoro okelo pogruok eparo ekind apisas mag obila kod jo ohalago mawachoni okang’ ma obila okawo mar muko duknigo okowinjore nimar onge kaka mano dhi konyo eduoko chien nok mar arita ealuora mar skundno.

Jo ohalago bende koro wachoni gilalo mwandu makwangi odhuro kagimedoni oknochiwnegi notis mar daro gigegi kanyo.