lueny mar laro tong’ ekind kaunti ma kericho,kisumu kod nandi ochako mienjo kendo.

Yuaruok mar laro tong’ ekind kaunti ma Kisumu kod Nandi kauntis ochako mienjo kendo ewi laro bombe ariyo magi Chemelil kod Muhoroni.

Maeri en kakoro jodong oganda mawuok e kaunti ma Kericho golo ng’ur kagiduaroni moko kuom bombe manie kaunti ma Kisumu mondo mi duokie kaunti ma Kericho kuno.

Giduani ochak odar ochor kendo etielo machielo tong’ mar kauntis ariyogo .Jakom riwruogno migosi Paul Leleito wachoni ekinde ma okalo chien, bombe kama oting’o Chemelil kod Muhoroni ni nenitire ekaunti ma Kericho.

Okwayo gavana ma Kericho migosi Paul Chepkwony kod nyawadgi ma Kisumu kaunti ngire Peter Anyang’ Nyong’o mondo joyie obag twak ewi wachno koriwo nyaka piny owacho mamalo.

Magi timore gisani ma yuaruok makama pod jodhiyo nyime ekind kaunti ma Nandi kod Kisumu kaunti kama jodito ekaunti ma Nandi duaroni moko kuom bombe mantiere ekaunti ma Kisumu mondo oter obed ei kaunti ma Nandi.

Yuaruok makama gin mago maosekelo nyaka lal mag mwandu koriwo nyaka wito lal mar ngima dhano buora kuom kinde mokalo chien kod kuo mar chiae.