jok mankod ng’ol ochualo yuakgi ni ojung’gi.
Written by Phenny Waga on July 18, 2018
Jogo mankod ng’ol mopogore opogore mawuokie kaunti ma Nakuru ochualo yuakgi kagiluwoni tend kauntino ojuang’ogi kendo okodewogi kata matin.
Jogi gin mago mawuokie kar dak ma Lanet mayudore Nakuru kono ne ochopo eod alam ma Kings Assembly kagisirore kod ludhegi tomoko bende lak kod chonngi kanyithindgi bende okodong’ chien.
Kwan jok mane ochopo kanyo echulo ng’ur margi mankod ng’ol mopogore opogore ne hewo jii 200 mawachoni tend kaunti ma Nakuru olokonegi tokgi kendo okodewogi kata matin nimar gikaloe chandruoge modhuro kinde kakinde tong’ama dewgi onge.
Giwachoni gin kod nyithindo madhi skul to okginyal somo eyoo mowinjore nimar nok mar omenda mamiyo okginyal kata yudo chiemo malong’o maginyalo chamo.
Gikwayo piny owacho ma kaunti ma Nakuru mondo mi otem matek odewe jomanikod ng’ol eseche maichiwo kony ne jok mamoko.
