Kwayo ogol ne tend kaunti ma Kisumu ni oyie ober pewe mag tuke…
Written by admin on August 16, 2018
Alap tuke ma Moi, Kisumu. photo courtesy.
By Jowi Raymond
Dwaro koro ogol ne tend kaunti ma Kisumu mondo ochiw ne jopiny ler mathoth e wi alap tuke ma Moi ma en achiel kuom alap tuke go madito thurkae.
Mae koro dhi sundo tend kaunti onogo e bwo tend migao mar weche tuke mondo ochiw ler chenro duto ma itayo e alap onogo, kaka itiyo kod omenda ma ochoki e kinde tuke kanyakla gi chiwo kwan jotich ma ondik matiyo kanyono.
Kwayo ma kamaa ne jochiw kod MCA ma South East Nyakach e kinde twak e od bura onogo. Ne bende olero ni dwaro nitiere mondo ochiw ler mathoth ni omenda duto ma ichoko dhi ga kure e dongo weche mag tuke e aluora mar kaunti ma Kisumu.
E twak mare koda nyakalondo mar Sky achiel kachiel e liare mar od bura onogo, jatelono bende okwayo tend migao mar weche tuke mondo bende ochiw ler e wi okenge ma tend kaunti ma Kisumu ni godo e mado gero pewe mag tuke mamoko e aluora mar kaunti no. ohum ka owacho ni chal mag pewe ma Kisumu ojwang’ kata odoko ni Kaunti ma Kisumu en achiel kuom kauntis go ma weche tuke ahinya to mag adhula ogoye tach.
