Od Bura ma Kisumu okwedo meto mar bech modhi……..

photo courtesy.

By Jowi Raymond.

Kaluwore gi chik ma yande jo gol koda jatend migao mar weche omenda thurkae Migosi Henry Rotich mar ne medo bech modhi thurkae kod 16%, od bura ma kisumu bende koro jowuok oko ayanga e kwedo e okang’ mamalo chik onogo.

Ka otelnegi kod jatend kweth mathoth Migosi Kenneth Onyango e kinde twak e od burano, ne olero ni chik onogo osemiyo bech modhi mopogore opogore odhi malo malich miwuoro.

Jatelono ne jokwayo jood bura wetene mondo onywak lwedo kwedo chikno kod jatend Migao Rotich e neno ni owite oko mar duogo yot ne japiny makoro ngima osebet ne matek tweta.

Migosi Kenneth lero ni piny Kenya odwa hoo ndere e weche medo bech modhi ka pinjje mamoko ma piny Kenya timo godo oala kaka Nigeria, Uganda, Ethiopia ma nengo modhi ni piny miwuoro.

Chik onogo mar medo bech modhi yande ne jowit oko kod jo od bura ma malo pachokae ka koro jokenya rito kod liyo duok ker Kenyatta kowuok e piny China kama igeno mar biro ketoe koke chik onogo e kelo fuong’ruok ne jokenya.